Sostenibilidade en Bodegas Lodeiros
O camiño de volta ao natural

O noso proxecto Camiño natural é unha acción de responsabilidade social corporativa que ten coma obxectivo acadar un consumo responsable e respectuoso co medio ambiente a través de dúas liñas: o noso compromiso ambiental e unha produción sostible.


Compromiso medioambiental con Galiza

Estamos comprometidos cun consumo responsable e respectuoso coa nosa contorna. Por iso dedicamos o 3% dos nosos beneficios a proxectos ecolóxicos que desenvolvemos en colaboración con diversas asociacións ambientais galegas.
Tes unha idea ou proxecto que poida contribuír a coidar o medio natural?
Bodegas Lodeiros, produción sostible

Procuramos que a nosa produción sexa o máis respectuosa posible co medio ambiente. Por iso apostamos por materiais ecolóxicos e sostibles.
Eliminamos os plásticos das nosas botellas de vermú e as súas etiquetas elabóranse con residuos de mazá. Ademais, empregamos a botella máis ecolóxica e coa menor pegada de carbono do mercado.
Con todas estas accións camiñamos día a día cara a un entorno máis sostible e ecolóxico.

De volta ao natural con Bodegas Lodeiros

Dende que comezamos a traballar en Camiño Natural establecemos diferentes colaboracións con organizacións e asociacións medioambientais. O noso obxectivo é que parte dos beneficios que xeramos sexan reinvestidos no medio ambiente que sustenta a nosa actividade. A continuación, contámosche os proxectos nos que estamos a traballar:
Entre as iniciativas do noso proxecto Camiño natural, encontrarás a colaboración coa aldea de Vilar, que se viu afectada polos incendios máis grandes de Galiza, recaudando fondos para replantar árbores e recuperar os seus bosques.
E a replantación do bosque da Eira da Xoana en Agolada, Pontevedra, para conservar o Teixo, en perigo de extinción. Reivindicamos con iso un estilo de vida respectuoso e pausado.